كح كح كححححححح كححح

المدونه مالها متربه كده ليه السلام عليكوووووووو قولت اما اعدى ع مدونتى اطمن عليها خاصه بقالى اكتر من شهرين مش بدخلها عشان الدراسه لقيتها متربه ومتبهدلللللللله ومفيش حس ولا نفس والارض متربه والشبابيك عليها اكوام تراااااااااااب كح كحححححححح والشمس مش بتدخل جيت انهاردة من الامتحان فمكنش ليا نفس اذاكررررررر متتخضوش ده شيت ثغنون والحمد لله ربنا كرم يعنى المهم قولت اعدى افتح الشبايك وامسح البلاط قصدى السيراميك واظبط الدنيا واخلى شكلها حلو وارش ديتووووووول خاصه ان الديتول بقى صديقى الصدوق اوى شرحت ضفدعه الاسبوع اللى فات وجيت استجميت بديتول مكنتش متخيله ان مكن يجى عليا اليوم اللى ابقى فيه مجبره انى امسك ضفدعايه بايدى المهم حوشتونى كتيررررررررررررررر بس مش بعرف ادخل ولا انتو كمان ده فضلا ان غالبا فى مشكله فى الكومينتات فاللى هو كل مايحين الوقت والمدونه تتوسخ هابقى انضفها من وقت للتانىىىىىىىىىىىى سلام بقى يااهل البيت اه نسيت اقول ان حطيت باسكت جديد ع جمب عشان اللى يدخل ومعاه حاجه بياكلها يخلصها ويرميها فى الباسكت الفوشيا ده باااااااااااااااااااااااااااااااااااااااااااااااااااااااااااااى

حلم جميل اسمه الأجازة

وهكذا مثل نهايه كل حلم جميل لابد ان ينتهى ولا يبقى منه سوى ذكرى جميله تضم بعض لحظات الفرح وبعض لحظات الحزن وبعض لحظات الأمل وبعض لحظات اليأس ولن يبقى غير ذكرى الماضى الجميل ودائما تأتى الرياح بما لاتشتهى السفن هكذا تنتهى الأجازة حلم كل صغير وكبير وتأتى الدراسه مفرقه الجماعات قاطعه اللذات بكل همها وغمها وهبطل لغه عربيه عشان اتخنقت اساسا خلاص هى بقت كده هوبا هوبا خلصت السنه مش ممممممكن كده بببببببببجد مش نافع انا نمت فتحت عينى لقيت الدراسه بكررررررررره خلاص مفيش سهر مفيش تلفزيون مفيش خروج مفيش فسح مفيش نوم مفيش لعب مفيش ضحك مفيش نت مفيش مدوووووووووونه لالالالالالالالالالالالالالالالالالالالالالالالالالالالالالا كلو الا مدوووووووووووووووووووونتى بما ان المدراس قد حان وقتها ايها الأصدقاء مفرقه الجماعات فلابد كلنا ننتبه والمدونه غالبا هتفتح فى الويك ايند عشان مش احرمكووووووووووو من طلتى البهيه بما ان الكل سوف يون منهمك مابين المحاضرات والدروس والكورسات والواجب والمذاكره والتسميع والامتحانات واللغبطه خلالاص خلاص مش هصدمكو لكن ممكن اجى فى الويك ايند هنا بعد المذاكره غالبا ده لو فيه مذاكره يعنى (هههههههههه) ضحكه خبيثه شوية حد يسالنى يعنى ايه ويك ايند ياابله ارد اقوله يعنى يوم الخميس (بليل) وكان الله فى العون بس احنا لازم نعمل احتجاج ايوه احتجاج لازم الدراسه تبقى على الاقل سنه وسنه مش كل السنين ورا بعض فى اوربا والدول المتقدمه هههههههههههههههههه الدراسه كل تلت سنين مره اتمنى ان الوزير ياخد باله اننا لازم نطور التعليم ونمد فتره الدراسه ونمد فتره الاجازة عشان نعطل التخريج من الكليات عشان ميبقاش في بطاله وعقبال مالدفعه الجديده تتخرج تكون الدفعه اللى قبليها اشتغلت واتوظفت واتجوزت وخلفت والدنيا زاطت الحل ده الوحيد لللقضاء على البطاله اننا نخلى دراسه سنه واجازة سنتين كده بين كل دفعه ودفعه سنتين فيقدرو يلاقو شغل فى خلال هيدا السنيتن وكل عام وانتم بخير كانت معكم طيله فتره الاجازة الاخت نونا المشهورة ب بنوته من الزمن ده واتمنى ان اكون قد اديت واجبى على اكمل وجه واود ان انوه ان المدونه مش هتقفل هتستمر س يوم الخميس فقط وانوه ايضا انكو كلكو هتوحشونى بسلطاتكو ببابا غنوكو وانا كمان هتوحشكم سحنتى البهيه واخيرا وليس اخرا اودعكم وداع موءقت ولكنى سأظل مستمره فى العطاء لكى ابنى مصر مصر هى امى نيلها هو دمى شمسها فى سمارى شكلها ف ملامحى حتى لونى امحى لونك رملك يامصر الله الله عمااااااااااااااااااااااااااااار يامصر
وها قد حان الوقت لكى نستيقظ من هذا الحلم حلم الاجازة لنكون على ارض الواقع الدراسه ولننسى هذا الحلم ونطوى هذه الصفحه ونبدأ عام جديد ربنا يجعله كله افراح وكلنا ننجح ونزقطط ونشرب الشربات وينتهى العام بلا الالام
وننام ونتغطى ونبدا حلم جديد حلم جميل اسمه الاجازة
ودمتم سالمين تحياتى>>> بنوته من الزمن ده

فرج والسوسه ومعاهــــــده الســــــــلام

قصه من واقع الحياه العصريه....
فرج: اااااااااه اااااااااااااااااااااااااااااااه اااااااااااااااااااااااااااااااااااااااااااه اه ياسنانى همووووووووووووووووت اه
ضروسى هتموتنى هموووووووووووووت ياناس ضروسى هتموتنى

يسمع فرج صوت بعيد اوووووووووووى بيقوله فرج فررررج

فرج يتلفت حواليه: مين مين
الصوت: انا هنا يافرج
فرج: انتى مين
الصوت: انا عملك الرضى يا فرج بيه
فرج يدعك عينيه : عملى الرضى ميييييييييين
الصوت: انا السوسه يافرج
فرج: انا مش مصدق نفسى انتى اللى عامله فيا كل ده
السوسه: ايه انتى دى ماتحترم نفسك وشوف بتكلم مين يادلعتى
فرج: ومين حضرتك يا مدام سوسه
السوسه: انسه من فضلك انا مش مرتبطه
فرج: وانا مالى مرتبطه ولا مش مرتبطه
السوسه: احفظ ادبك ولاحظ انا ممكن اعمل فيك ايه
فرج : انا مش مصدق ان حته فسفوسه زيك تعمل فيا انا كل ده اااااااااااااااااااه
السوسه: تعمل ايه بقى يافرج يوضع سره فى اضعف خلقه
فرج: طب انتى عاوزانى اعمل اييييييييييه اااااااااااااااااااااااااااه
السوسه: بص يا بشمهندس فرج بما انى عاوزة مصلحتك انا وكل معشر السوس احب اقولك سيبك من الجماعه اللى انت ملموم عليهم واللى هيودوك فى ستين داهيه ورا الشمس
فرج: ناس مين يا مادموازيل سوسه
السوسه: الناس اللى عمالين يوزوك
فرج: مين دول
السوسه: متسطعبطش يافرج الناس دول مش هينفعوك
فرج: على فكره انا مش عارف انتى بتتكلمى على مين
السوسه: على الناس اللى بيوزوك انك تغسل سنانك
فرج: طب ودى فيها اييييييييييه ياناااااااااااااس
السوسه : بص يافرج احنا لما اخترنا نعسكر فى بقك وبالتحديد فى مدينه ضروسك اخترناك لان فيك كل المميزات اللى
تحمس اى سوس انه يبنى قطيعه
فرج: مميزات ايه ان شالله
السوسه: واحد بتاكل حلويات وسكريات كتير اوى
اتنين مابتغسلش سنانك
تلاته الميه متعرفش طريق بقك
رابعا وده الاهم معندكش فرشه اسنان

فرج : ياحلوتك يعنى انا لاحظظت ان بقى ريحته وحشه وقولت الم نفسى شويه
السوسه: طب ياخويا لميت نفسك ها مبسوط دلوقتى
فرج: لا طبعا انا هموت من ضروووووووووسى ااااااااااااااااااه
السوسه: خلاص ياحلولى تلم الدور وتسيبك من السكه اللى انت ماشى فيها
فرج: طب وريحه بوقى
السوسه: بقولك ايه يعنى اللى ريحت بوقهم حلوه خدوووو ايه
فرج: انا مش فاهم انتى بتعملى كده ليه
السوسه: بص ياحبيبى متغسلش سنانك وتلم دورك تلاقينا حبايبك ومتحسش بوجوع ضروس
اما تنخور علينا وتخرب علينا وتجيب معجونات وفرشات وتنزل على راسنا هنقررررررررفك ومش هنسيبك
واديك جربت
فرج: انا بين ناررررررررررررين ااااااااااااااااااااااااااااااااااااااااااااه
السوسه: منا قولك ارحم نفسك الناس بتوع سيجنال تو مش هيفيدوك هما كل همهم المكسب اللى هيجى من وراك
فرج:مممممممممممم
السوسه: اه اسمع كلامى لكن لو ضرسك ووجعك هيعملولك ايه هيقولولك ولا نعرفك
فرج: معقول
السوسه: ومش معقول ليه بس يافروجه يا حبيبى
فرج: حبيبك
السوسه: طب تصدق بايه
فرج: لا اله الا الله
السوسه: صاحب شركه سيجنال تو نفسها مابيغسلش سنانه
فرج: هاااااااااااااااا
السوسه: اه والنعمه بص يابنى اكمنك غلبان وياما خدمتنا احنا السوس انا هقولك نصيحه واجرى على الله
فرج: قولى يا حجه
السوسه:انت مش قدنا ومتعرفش سكه السنان دى طويله اولها وجع وبعد كده وجوووووووووع قد كده وخراج ودكتور
وحقنه وشكشكه واشاعه وزرع عصب وعلاجه عصب وعمليات وفتح وقفل
فرج: يالهوى
السوسه: ده ايه كمان ده لو كنت محظوظ اما لو مش محظوظ فيه خللللللللللللللللللللللللللللللع
فرج يبرق بعينيه: خللللللللع
السوسه: اومال .. بص لصحبك حنتيره اللى من يوم للتانى مقضيها دكاتره
فرج: حنتيره مين
السوسه: بلاش حنتيره بص لدياسطى اللى مركب طقم سنان واتخلع منه يوم ماجه يخطب والحكايه اتفشكلت
فرج يبص اوى للسوسه: ديااااااسطى مييييييييييييييييين
السوسه: ها قولت ايه يافرج تحب تنخور فى سنانك ولا تسيبك وتعمل معانا معاهده سلام
فرج: ازززززززاى
السوسه:انت متجيش جمبنا واحنا مش هنيجى جمبك ونعيش مع بعض فى سلام
فرج بيفكر: اااااااااااااااااااه .....ااااااااااااااااااااااااااااااااااااااااااااااااااه ياضرسى
السوسه: ها يا فرج انا معنديش وقت ديل اور نو دييييييييييييييل
فرج: ديل ديل موافق موافق موااااااااااااافق بس خليهم يبطلو
السوسه: عين العقل يافرج خدها نصيحه من سوسه على باب الله عيش معفن تسلك
فرج: عندك حق والله انتى بنت حلال
السوسه مكسوفه : ثكرا يافرج
فرج: ونبى عسل انتى مرتبطه
السوسه:الله بقى
فرج: اجى اقابل الحج امتى
السوسه: لما يجى من بوق صاحبك عب فتاح
فرج: عب فتاح مين
السوسه: يوووووووووووه بقى ادينى اتاخرت سلالالالالالام يا فروجه
فرج: سلالالالالالالالام يا سوستى يااميره يابنت الامرا
السوسه: متنسااااااااااااااااااااااااااش
فرج: الحج
السوسه: ينيلك لالالالالالالالالالالا المعجون يامدهول على عينك
فرج: ولا يكون عندك فكره ياقمرايه
السوسه: بونويه
فرج: بونويه ورحمه الله وبركاته
فرج يقول لنفسه : ياااااااااااااااااااه ده انا اشتريت نفسى النهاردة
ومن هنا....
قرر فرج انه يعيش معفن احسن مايروح ويخلع ويدخل دوامه ونقول عليه يارحمن يارحيم
وانا اترك لكم حريه الأختياررررررررررررر مع العلم ان مع السوسه تماما (هىء هىء) ضحكه خبيثه
وانتو احرااااااااااااااااااااااااااااااااااااااااار
هع هع هع هع

واحد اتنين الكحك العربى فين

اولا كل سنه وانتو طيبين النهاردة اول يوم العيد ولبسنا لبس العيد بقى وكلنا كحك وصلينا العيد وكل شويه نشرب ميه فرحانين اننا مش صايمين وخدنا العييديه (وكان نفسنا فى عشره جنيه زياده) وكل واحد بدا يحلم احلامه الورديه هيجيب ايه بالعيديه وفى واحد عديته مسمحتلوش انه يحلم اساسا(هههههههههههههههههههه) ونسال بعض انتو خدو كام كل واحد يزود على عديته خمسين جنيه زياده عشان قدام صحابه (لزوم البريستيج الترجمه>>>(الوضع الاجتماعى) يعنى واحد واخد عشرين يقول انا اخدت خمسين واحد تانى خد خمسين يقول انا خدت سبعين وهكذااااااااااااااااااااااااا انا شغلى الشاغل العيديه بصراحه والبت اختى كانت راسمه اننا اديها عيديه بما انى اختها الكبيره قال يعنى بس على مين قولتلها هاتى هديه عيد ميلادى اتكتمت بقى ههههههههههههههههههههههههههه والساعه جت خمسه الصبح كده بصيت من البالكون لقيت ناس كتير اوى بتلبس ونازله عشان تصلى العيد قامت هدير جت تقولى يلا نلبس انا وانتى وجارتنا رحاب اللى تحتينا ونروح نصلى بصراحه انا قولتلها لاء انا بتكسف انزل وبعدين اول مره اروح المهم قالتلى لاء يلا ننزل ماما قالتلى قومى البسى وانزلى قولتلها طب ماتنزلى معانا قالتلى لاء انا مش قادره المهم قولت مابديهاش المهم ان مش عندى عبايات ماما اديتنى عبايتها حلوة كده عثوله قالتلى البسيها قولتلها اوكى لبستها ونزلت انا وهدير ورحاب ومفاجاه هدير كانت اول مره تلبس الحجاب بقى وعماله واقفه قدام المرايا ساعه تقولشى راحين نصور فيديو كليب وهى نازله الشارع كل شويه تبص ف المرايا او فى ازاز العربيات اول ماتلاقى ازاز تبص وكانت عامله الطرحه كده (كوبيبه) كانها براسين ونزلنا انا وهى ورحاب الشارع وماشين يضحكو ومكسوفين بقى وهدير كل شويه تسال رحاب الطرحه مظبوطه ورحاب تظبطلها قمت زعقت فيهم قولتلهم انتو بتستعبطو احنا رايحين نصلى المهم روحنا الجامع تحت كان مليان اوى خوفنا ندخل عشان الزحمه وانفلونزا الخنازير قمنا طلعنا الدور التانى قعدنا بقى بقى والستات عمالين يرغو لوك لوك لوك وهدير واقفه فى الشباك كل شويه تبص ع الناس اللى تحت وتضحك انا بصيت فى ساعه الموبيايل لقيت الساعه 6.15 والرجل لسه ماقمش الصلاه بس كانو عمالين يقولو الله اكبر الله اكبر لا اله الا الله الله اكبر الله اكبر ولله الحمد لغايه ماالشيخ اقام الصلاه وكبرنا كلنا فى صوت واحد كانت لحظه تساوى العمر كلوووووووووووو واحنا واقفين فى ايد ربنا كده وعمالين نكبرررررر فى صوت واحد بس انا بقى كان فكرى شغال فى الناس المش مسلمين ازاى بجد مش مسلمين ازاى شايفين ملايين فى مصر وفى الدول العربيه فى صوت واااااااحد فى خشوووووع تام بين ايد ربنا الله اكبر الله اكبر فى حس واحد متهيالى دى الحاجه الوحيده اللى بيتفق عليها العرب بس فى حاجه تانيه كنت بفكر فيها قعدت اسال نفسى هو انا اتوضيت ولا لاءه ههههههههههههههههههههههههههههههههههههههههههههههههههههههههه لاء بجد عماله اجمع اصلى كنت مطبقه ودماغى مش فيا عماله اافتكر بقى انا عملت ايه من اول لالاخررررررر(بس طلعت متتوضيه الحمد لله ربنا يتقبل) وبعدين فكرت فى موضوع الشياطين دول قولت زمانهم دلوقتى مهيصيييييييين اتفكو بقى ومزقططين وخلصنا صلاه وسلمنا وبدات الحرب اننا ندور ع الشباشب بقى ونلبسها فى الزحمه وفجاءه الجو اللى كلو خشووووووع تحول الى العيد فررررررررررحه ماء واولهم هدير تقولى انا هقلع الطرحه بقى شخطنا فيها قولنلها هو ربنا ساعه الصلاه بس المهم مقلعتهااااااااااااااااااش ايدى وجعتنى من كتر الرررررررررررررررررغى فاصل اشرب بس ثوانى ............ انا جيييييييييييييييت نورت الغيط نكمل كنا بنقول ايه اه فجاءه الجو اللى كله ايمان تحول الى العيد فرحه ماء وكلو هاص والرجاله اللى كانو حاطين راسهم فى الارض بدوا يبصو و يعاكسو والدنيا ظاطت بصراحه المهم انا وهدير ورحاب الثلاثى المرح قدعنا ندور على فول عشان نفطر مش لقينا خالص مالص واحنا ماشيين بقى كل شويه يقابلو حد من صحابهم ويحضنوهم ويبوسووووهم لاء ولازم يلطعو اربع بوسات او خمسه (اهو ابو بلاش كتر منو ) وفجاءه الاقى البت اللى بتسلم عليهم جت سلمت عليا طب وانا ذنب اهلى اييييييييييييييييييييييييييييييه المهم ان بابا محذررررررررررررررررررنا مفيش احضان ولا بوس عشان انفلونزا الخنازير بس هما ينطو علينا يحضونونا نعمل ايه يعنى المهم استخسرت ارجع بالفلوس زى ماهى روحت جبت تلاته شيبسى وطلعنا بقى بابا فضل يزعقلنا شويه عشان الاحضان والبوس وبعد كده ماما عملت طعميه بيتى وانا فضيت الشيبسى وكلت منه واحديتين فى الخباثه وعملنا بيض اومليت ومخلل وحطينا الاكل وقعدنا نرغى شويه وماما كانت بتقلى على ورق الملزمه الباثولوجى بتحتى (علم الامراض) كنت مبسوطه وانا بصه على الورق فرحانه انه بيتبهدل من الزيت ويتحرق كنت بشفى غليلى شويتين ماهو يااما بهدلنى والله بالساعات وبعديها بابا رش العيديه علينا وماما رشت العيديه وانا خدت خمسين وهدير خمسين ولو قالتلكو اكتر تبقى بتهجص عليكوووووووو ههههههههههههههه وجبت ميلودى بقى وسيبت شعرى وقعدنا نغنى ونهبل شويه بعدين بقى كلهم دخلو نامو عشان كنا مطبقين اااااااااه نسيت اقولكو انا بابا نزل صلى بس فى جامع تانى خالص (هههههههههههههههههههههه) خلاص خلاص هبطل رغى براحه عليا بس اخر حته والله وهمشى اهو دخلو نامو وهدير طلعت مع صحبتها وانا غلبنى النوم دخلت نمت وصحينا كلنا رنجه زى كل الشعب المصرررررررررى وقولنا يلا يابابا خرجنا بقى قالى شوفو ماما مش هتقدر تنزل ماما قالتلى تعبانه خليها بكره ورسمتلنا من الورد طحينه قى اننا هنقوم بدرى وننزل المهم مش فى ايدينا غير اننا نقول حاضر وبس بقى على كده ده كان اول يوم العيد سلام لالالالالالا نسيت اقولكو اننا قبلها ظبطنا الشقه وانا قمت بدور فى هذا التظبيط يلا بقى كفايه رغى ده انتوووووووووووو رغاييييييين ياساتر اوووووووووووووووف الى اللقاء فى تانى يوم العيد
نسيت اقلكو صحيح انه هيبدا بقى نفسنه البنات يعنى اللى هتلاقى واحده صحبتها لابسه لبس العيد وفرحانه بنفسها
هتقولها الطقم مش حلو اوى
واللى هتبقى لابسه طقم شيك هنقولها الطقم جامد بس انتى تخنتى شويه
واللىرفيعه ولابسه طقم حلو هنقولها اه حلو بس لو كان لون تانى كان هايبقى احلى
بس انا ماحدش يقدر يعلق عليا لانى اوف كورس عديت كل مستويات الجمال (بس يابت شيفاكى عينك فى ورقتك)
اه امورة وزى العسل كومان
خلاص خلاص
سكت اهو باى

تحياتى:نونا الشعنونه الزربونه
ياريت تكتبولى انتو عملتو ايه النهارده فى اول يوم العيد
بس اختصار عشان مش بحب الرغى

haPPy birTh daY 4 Me

عدت سنه والليه حطفى شمعه الجرح الغريب
جرحى انا
عدت سنه والليله هاطفى شمعه الجرح الغريب
جرحى انا
جرحى اللى عيشته من فراق اغلى حبيب
شمعه دموع شمعه الم شمعه حنين شمعه ندم
شمعه دموع شمعه الم شمعه حنين شمعه ندم
قرب ياقلبى من الشموع الليله عيد اصعب دموع
قرب ياقلبى من الشموع الليله عيد اصعب دموع
عيد ميلاد جرحى انا عيد ميلاد جرحى انا
عيد ميلااااااااد جرحى انا
الذكريات المؤلمه والجرح والاحزان ضيوفى
والورد معزوم انما دبلان وحيد يشبه لخوفى
لا الشوق ياقلبى بامرنا ولا كان بايدى اختار نصيبى
يبقى خلاص مكتوب لنا رغم البعاد يفضل حبيبى
الذكريات المؤلمه والجرح والاحزان ضيوفى
والورد معزوم انما جلان وحيد يشبه لخوفى
لا الشوق ياقلبى بامرنا ولا كان بايدى اختار نصيبى
يبقى خلاص مكتوب لنا رغم البعاد يفضل حبيبى
شمعه دموع شمعه الم شمعه حنين شمعه ندم
قرب ياقلبى من الشموع الليله عيد اصعب دموع
عيد ميلاد جرحى انا عيد ميلاد جرحى انا
عيد ميلااااااااااد جرحى انا
فاضل ثوانى قليله ويعدى اول عيد لجرحى
والجرح هيعيش جوه منى مش هيمحيه اى فرح
الذكرى مش ممكن تموت او يجى يوم وتختفى
الذكرى هيكون ليها صوت مع كل شمعه بتنطفى
فاضل ثوانى قليله ويعدى اول عيد لجرحى
والجرح هيعيش جوه منى مش هيمحيه اى فرح
الذكرى مش ممكن تموت او يجى يوم وتختفى
الذكرى هيكون ليها صوت مع كل شمعه بتنطفى

هو تامر حسنى ولا الادرينالين

اولا من قبل اى كلام ولا اى رغى احب اعرفكو مين هو الأدرينالين؟؟
هوهرمون الحياة الذي تفرزه الغده الكظريه تدفق الأدرينالين بكميات بسيطة في الأحوال العادية، لكنه في لحظات الخطر ينسكب بكميات كبيرة في دمائنا ليهيئ الجسم للمجابهة. يعنى فى حاله الخوف او الحب او الفرح او اى انفعالات كمان بيزيد افراز السكر المخزون من الكبد. يزيد من ضربات القلب ويفتح الشعيرات الدموية الدقيقة لتغذي الأنسجة، وفي الوقت نفسه يقبض الشرايين الرئيسة والمتوسطة ليرتفع ضغط الدم فيصل سائل الحياة بقوة إلى الأعضاء كافة
هتقولولى بطلى احياء بقى زهقتينا
ادخل فى الموضوع من كام يوم قريت خبر كده ان فى بنت من معجبين عمو تموره الامورة مش عارفه حصلها ايه ياحرام
ودخلت المستشفى ودخلت اوضه العمليات كان طلبها ان تامر يفضل معاها طول ماهى بتعمل العمليه
وبالفعل استجاب اونكل تموره الامورة ووقف معاها وده ساعد على زياده هرمون الأدرينالين مما انقذ هذه البت الهبله
..............
طب ونبى انا اقول ايه بقى
لاء مش للدرجاتى وبعدين تامر بيعمل اغانى جامده اه وصوته جامد والناس كتير اوى بيحبوه اه
لكن مش لدرجه انه يطلع على المسرح الكل يطلع يحضنه ويبوسه والبت تشوفه تفضل تلطم وتصوت وتعيط ويغم عليها
لييييييييييييييييه
بجد بنات بيشوفه بيصوتو ويغم عليهم ويعيطو ويتنططو
بتاع ايييييييييييييييييييييييييييييييييييييييه
ماشى هو زى الفل اه واغانى زى العسل اه
بس مش لدرجه الهبل والعبط
(اللهم لا تؤاخذنا بما فعلو السفهاء منا)
لا وفى نقاد عساسيل اوى اى حد يجى على تامر حسنى يمسكو يبهدلووووووووووووووووو
عشان خاطر ايه معرفش
لا ويقولو احنا بننشر الحقيقه
هى خلاص الحقايق خلصت من الدنيا ومبقاش فاضل غير تموره الأمورة اللى هنقعد نمسك العصايا
ونراقب مين هيتكلم عليه ونغزه
انا خايفه بكره يتنقدونى والله
بس على العموم لو انتقدونى انا اتنقد بلد ومحدش بياخد معايا حق ولا باطل سواء تمورة او فرفورة
اهو تامر بيتبرع كتر خيره لغزة ولمصر ولاطفال الشوارع هنا وفى كل مكان بيهدى الاغانى بتاعته وغنى للحب وللدين ولرمضان ووحوى ياوحوى ولوللولولولولولووللولولوولولولوللولولوولى
ربنا يكرمه يارب
واصحى فى يوم الاقيهم بيصوتو فى الشارع
اقولهم فى ايه يقولولى القدس اتحرررررررررررت على ايد تموره الأمورة
ويبقى تامر فاتح القدس
وندرسه فى التاريخ والدرسات (يازلالالالالالالالالالالالالالالالالالام يازلام)
ده لو الجمهور اللى بشوفه فى حفلاته فى مصر او خارج مصر(ربنا يزيد ويبارك) اتلم واتحد وربنا هنضيع اسرائيل وامريكا بس تقولو ايه
انا مش بحقد على تامر ههههههههههههههه انا مش مغنيه عشان انافسه احنا بعاد عن بعض تمام البعد ههههههههههههههههههههههه بس المصرى اللى على حق يقول للغلط لاء ههههههههههههههههههههههههههههههه
بس تقولو ايه بقى
فى نهايه البرنامج احب اننا كلنا ندعى ربنا يخليلنا تمورررررره الأمورة

لا طفوله /57357

فى ناس محرومه من الضحكه .. محرومه من انها تفرح..محرومه من انها تلعب..محرومه من انها تعيش حياه زى ماغيرها عايشها واحد لو تعب وخد دور انفلونزا بيقعد فى السرير مابيقمش وياسلام لو الامر وصل لحقن وشكشكه يبقى ناعى هم الأى بتاعه الحقنه دى . . . لكن فى واحد تانى تعبان على طول قاعد فى السرير على طول بيعانى لوحده من الم وانهو الم وادويه وتعب ودموع واهل تعبانين محرومين من انهم يشوفو ابنهم بيضحك صعب اوى اوى اوى واحد يستحمل تعب خبيث زى ده مابالكوا لو كان طفل فى عمر الزهور!!!!!! ده لو ام شافت ابنها بيعيط عشان لعبه مستعده تموت نفسها عشان تجبله اللعبه دى كل ده بغرض انها متشوفش دموعه لكن ف ام تانيه بتشوف ابنها بيعيط بس مش قادره تجبله اللعبه دى عشان هو مش بيعيط عشان اللعبه هو بيعيط عشان حاجه تانيه محدش هيقدر يجبهاله حاجه ف ايد ربنا سبحانه وتعالى انا مش بقول الكلام ده من اعلانات شوفتها انا بقول الكلام ده وعينه شافتوا انا دخلت المستشفى دى وشوفت الناس دول من نعمه ربنا عليا انى دخلتها زائره احمدك يارب واشكر فضلك ونعمك عليا شوفت اطفال بيتمنوا الموت!!! بيصرخوا بيعيطوا يومهم بيعدى مابين جلسات علاج ادويه حقن تشنجات والله مش عارفه اقول ايه مش عارفه اوصف اقول ايه اقول مرض مش بيفرق بين فقير وغنى بين ضعيف وقوى احنا مش بايدينا نعمل حاجه مش بايدينا نرجعلهم النعمه اللى ربنا ابتلاه[Photo]م فيها بس نقدر نساعدهم فى حاجه فى الطب اسمها تمسك الانسان بالحياه نص العلاج احنا نقدر نديهم نص العلاج ده نخليهم يتمسكوا بالحياه ونخليهم يفرحوا ويلعبوا ويضحكوا نخليهم يعيشوا طفوله نفسهم يعيشوها عن طريق حاجات كتير اوى مستشفى 57357 بجد ماشاء الله كانها حاجه جايه من الفضاء دى مستشفى اللى بتعلاج الاطفال او المرضى المصابين بمرض الكانسر(السرطان) ربنا يشفيهم ويحفظنا اكيد كلكو شوفتوها فى التى فى وشوفتو اعلاناتها وشوفتو الاطفال اللى جواها وفقاً لتقرير صادر من منظمة الصحة العالمية، يتم تشخيص حوالي 160.000 ألف طفل في العالم مصابون بمرض السرطان كل عام يموت منهم 90.000 طفل سنوياً بنسبة 80 % فى البلاد النامية . ممممممممممممممممممم مستشفى سرطان الأطفال انشأت على غرار مستشفى الأبحاث الامريكى سان جود فى ممفيس تنيسى بالولايات المتحدة الأمريكية وحصل مستشفى 57357 على التمويل اللازم لبنائه من خلال تبرعات المصريين و العرب و الأجانب و يعتمد المستشفى إلى حد كبير على استمرارية هذه التبرعات و المساندات المالية و العينية المختلفة فى مرحلتى الانشاء والتشغيل طب هو احنا نقدر نساعدهم ازاى؟؟ اولا نتبرع باللى نقدر عليه انشالله جنيه جنيه منى وجنيه منك هيعملو الف والف على الف هيعمل 100 الف و100الف على 100 الف هيعملو مليون هنقدر نجيبلهم الاجهزة اللى هما محتاجينها والادويه على فكره الحاجات دى ياجماعه غاليه جداااااااااااااااااااااااااااا بس ايد لوحدها متصقفش يعنى اعلانات التبرع بتنزل كل يوم وكل ساعه فى التلفزيون بشتى الطرق فى رساله بتبعتها على رقم المستشفى الرساله دى حقها 5 جنيه انت بال5 جنيه دى بتنزل كول تون لاء ممكن بال5 جنيه دى ترسم ابتسامه على طفل محتاجها بجد فى عن طريق الكليه او المدرسه تبرعات بخصوص المستشفى دى واظن كلكو عارفين الموضوع دى ممكن تتبرع بالدم واحد مقتدر ماليا فى حساب للمستشفى دى فى البنوك تقدر تحط اى حاجه للاطفال دول ممكن تساعدهم اكتر من كده كمان تروح تزوره فى المستشفى(اللى هى بقت بيته) تسلم عليه تقعد معاه تضحك معاه تحسسه انه من حقه الضحكه زى من حق كل الاطفال تحسسه اننا كلنا معاك وراك لغايه لما يتم شفاؤك بأمر الرحمن غير كل ده احنا ممكن ندعيلهم ربنا يشفيهم فى كل صلاه لينا ( اللهم امين) الناس دول محتاجينلنا اووووووووووووووووووووووووووووووووووووووى ياجماعه مش انا لوحدى هغير ولا انت لوحدك كلنا مع بعض انت قول لصحابك وصحابك يقولو لصحابهم وانا هقول لصحابى وصحابى لصحابهم وايد على ايد هنقدر نعملهم حاجه هنقدر نضحك اطفال كل ذنبهم انهم ابتليوا بمرض لعين تم افتتاح المستشفى فى 7/7/2007 بداية بـ 30 سرير ووصلنا الآن إلي 160 سرير والإفتتاح يتم تدريجيا حتى يتم استيعاب التكنولوجيا اللازمة وتوفير خدمة على أعلى مستوى انا مش بحكى على انفلونزا الطيور ولا الخنازير ديتها عشر ايام فى المستشفى انا بتكلم على مرض بيقعد بالسنين بيتعالج ونتيجته ربنا العالم (اللهم اشفيهم واشفى كل مريض يارب العالمين وعافينا مما ابتليت به غيرنا ياارحم الراحمين) (( الحمد لله على كل حال والحمد لله الذى عافنا مما ابتلى به غيرنا)) **هناك فى مكان ما اطفال ينعمون بافضل حياه .. ولكن هناك فى مكان اخر اطفال يصارعون من اجل البقاء على قيد الحياه....فى النهايه كلهم اطفالنا** قول مأثور........ (احنا كلنا معاكوا)

وتاه بين الجبال رجب ابن الحج متعال / الحلقه الثالثه

رجب: بابا هو انت عرفت
ابو رجب: وانت فاكرنى نايم على ودانى وانت متخيل انى هقولك متسافرش وهمنعك بقى لا سافر بس بعد كده متلومش غير نفسك
رجب(بضحكه يغلبها بعض الخوف):بجد
ابو رجب:روح حضر شنطتك
رجب:ابويا متزعلشى منى انا غلطان بس سيبنى اشق طريقى البلد دى مابقاش فيها اكل عيش
ابو رجب:سافر يارجب بس انا هقولك كلمه رب هنا رب هناك واللى بيرزق هنا هو اللى بيرزق هناك
ام رجب(وعنيها فيها دموع):خلاص هتسافر يارجب
رجب:ايوه ياماما ادعيلى
ام رجب تعيط ورجب يحضنها ويبوس راسها: امى هنزلك كل كام شهر وهكلمك كل يوم
ام رجب:هتوحشنى ياضنايا هتوحشنى
رجب:ياماما لسه قاعد على قلبك كمان اسبوع
ابو رجب: خلاص ياام رجب سيبيه يشوف حاله

رجب يدخل على الاوضه بتعتها وهو فرحان فرحه غامره يشوبها بعض الحزن والخوف والقلق بس نسى كل ده وجاب شنطته وحضر هدومه وكل حاجاته اللى هيتحجاها معاه فى السفريه ومرر الاسبوع بسرعه على الاب والام بطىء على رجب وجاء يوم السفر..
. رجب يبوس ايد امه:سلام ياماما ادعيلى ادعيلى ياماما
ام رجب بتعيط:دعيالك يابنى دعيالك ياحبيبى
رجب يبوس ايد ابوه:ماتزعلشى منى يابابا
ابو رجب:ربنا يوفقك يابنى
وكان فى هذا اليوم اختين رجب بايتين هما وولادهم عند هم عشان يودعو رجب
لبنى: سلام يا رجب ربنا يكرمك يارب
رجب يسلم على اخته ويقولها:سلام يا حبيبتى
سهير:سلام يارجب والله ماكنش ليها لزمه
رجب:خلاص بقى ياسهير الوقت ازف
كريم ابن لبنى:سلام ياخالووو بث تبقى تكبلى من هناك علابيه كبيله اوى
رجب يضحك:حاتر ياحبيبى هجبلك كل اللى نفسك فيه
ام رجب:خلى بالك من نفسك يا ضنايا
لسه رجب هيرد على امه الفون بتاعه رن
رجب:العيال بيرنولى ياماما انا هنزل عشان الحق معاد الطياره
كلهم: سلالالالالام سلالالالالام يارجب
رجب يسرع مهرولا على السلم : سلالالالالالالالالالالالالالالالالالالالالالالالالالالالالالالالالالالالالالالالالالالالام ام رجب(تنده بصوت عالى: لا اله الا الله يارررررررررررررررررررررررررررجب
رجب من تحت يزعق:محمد رسول الله ادعووووووووووووووووووووووووولى
ولقى العربيه بتاعت صحبه مستنياه وركب وشاور لاهله اللى واقفين ف البلكونه فى موقف حزين يختلط بيه شعور بالفرح من جانب رجب وحزن من جانب اهله ودعاء وتوسل لله انه يكرمه ويحميه
كريم:ايه ياعم الافلام دى ههههههههههههههههههههههههه
رجب: نقطنى بسكاتك بقى ونبى
كريم:ايه يابيضه هتعيطى رجب:اتلم بقى عشان بجد صعبان عليا الغربه كريم:هههههههههههههههههههههههههههههههههههههه احنا فى مصر عايشين ف غربه
رجب:عندك حق
كريم:واهو غربه بفلوس احسن من غربه ببلاش
رجب:هات سيجاره
كريم:خد ياعم
رجب يولع السيجاره: تصدق ياض انا مش عارف حاسس انى عاوز ازغرط
كريم:زغرطى يااختى
رجب:هههههههههههههههههههه لا بجد حاسس انى هتولد من جديد
كريم:ولسه يابا بكره هنتنغنغ
ووصلو المطار ونزلو الشنط ودخلو صاله المطار وشيكو التذاكر وكل ف السليم ومشيو ف الممر ووصلو اخيرا للطياره وطلعوا على سلم الطياره
رجب قلبه يخفق فرحا: يااااااااااااه حاسس انى رايح دنيا تانيه
كريم يصقف ويضحك :اشطه يامعلم ههههههههههههههههههههههههههههه
وصلو للباب ودخلو ودورو على كرسيهم وقعدوا ورجب يخيم عليه الصمت مع ابتسامه خفيفه مستمتع بما هو فيه وقاعد عمال يحلم بالعالم اللى هيروحو فى بلد تانيه وعيشه تانيه
كريم يقطع تفكير رجب: اااااااااااااااايه ياعم مالك طياره عادى يعنى
رجب:انبى تسكت
كريم : بس المزز اللى فى الطياره كتير
رجب:مش اكتر من رخامتك
يقاطع ضحكهم صوت يقول: من فضلكم اربطو حزام الامان لحين اقلاع الطائره وهذا لسلامتكم
رجب وكريم وكل الركاب يربطو الحزام
رجب عمال يتاكد ان الحزام مقفول
وكريم يضحك عليه : ههههههههههههههههههههههههههههههه ياعم هو احنا ف دريم بارك
رجب:انت ياض اسكت بقى انا خايف نعمل حادثه نقع ف محيط ولا ف جزيره
كريم: اتغطى ياض وانت نايم ههههههههههههههههههههههههههههههههههه
الكراسى تترج ف مكانها والطياره تقلع وتبتعد عن الارض سنه سنه ورجب ينظر من الشباك منبهر بهذه اللحظه الشيقه رجب:يااااااااااااااااااااااااااااااااااااااااااااااااااااااااه سلام يامصر
كريم: سلام ياضنايا ههههههههههههههههههههههههههههههههههه
اقلعت الطائره ف امان وسمع صوت يقول:الان باستطاعتكم ان تفكوا حزام الامان كريم فك الحزام ورجب كمان كريم عمال يرغى مع رجب كالمعتاد ويحكيله ويشكيله حكايات مع البنات وحبيت دى وسبت دى ورجب ولا هو هنا قاعد يتفرج من الشباك على منظر السحاب ومااجمل من كده روعه بص فى موبايله لقى الشبكه راحت خلاص وهو كمان عينيه راحت فى النوم كريم زهق منه طلب المضيفه تجبله واحد شاى وبسكويت ياكله عقبال ماينزل ف مطار امارات ولم ينتبهوا حتى سمعا صوت :الرجاء اغلاق ربط حزام الامان حين هبوط الطائره
كريم يصحى رجب: ايه ياااااااااااااااااااااعم ماتصحى بقى انت فاكر نفسك نايم ف محاضره لدكتور محمد
رجب:وصلنا
كريم: اه ياخويا وصلنا هات الاجره
رجب: ههههههههه خفيف
المضيفه تيجى :لو سمحتو اربطو الحزام
كريم:حاتر يا فندم(فى سره حاتر يا مزه)
رجب:احترم نفسك هههههههههههههههههههههههههههه
وهبطت الطائره ونزلو الركاب
ونزل كريم ورجب وهما بيبصو على السما والارض وع الدنيا حواليهم مبسوطين فرحانين
رجب :يااااااااااااااااااه هطير هطير من الفرحه
كريم:ومين سمعك من كتر الفرحه عاوز ادخل الحمام
رجب يضرب كريم بالشلوت: بطل قرف
رجب:بس انا هطمن اهلى ازاى
كريم:دلوقتى نشتر خط تليفون ونكلمهم
رجب: اها
وفى صاله الوصول دخلو رجب وكريم
وفجاءه رجب وقف ف مكانه واتسمر
وكانت المفاجاءه.......
.........
....
....
... ..
.
..



فى الحلقه القادمه

احكى يا شهر زاد

مبدئيا كده عشان تقرا الحدوته دى لازم تعمل الى هقولك عليه بجد والا مش هتحس اى حاجه اولا تخيل نفسك جوه الصورة اللى فوق دى وخليها فى خيالك طول ماانت بتقرا الحدوته تتخيل نفسك فى قصر شكله جميل والجو بره بليل والقمر منور وجميل وجوه القصر حراس وسرير مفروش بريش النعام قاعد عليه الملك شهرا يار وجمبيه اتنين حراس ماسكين هوايات من ريش النعام وبيهولو وقدامه طبق كبيرررررررر مليان فاكهه تفاح وموز ومانجه واناناس وقدامه قاعده الاميره شهر زاد عشان تحكيله ليله من الف ليله ويعم السكون والهدوء على المكان وخلى دايما فى ودنك الموسيقى الشهيره بتاعه الف ليله وليله تتيارارا تيرارارا تيرارا تيرارارا شوف الرسمه اللى فى خيالك كويس واسمع الموسيقى كويسه وادى الاغنيه الجميله اللى بعديها هبدا حدوتى الطويله
من ليالى القلب ليله بعدها ليله... كل كلمه وحرف وكل نظره جميله
من بستان الكلام وجناين الاحلام من كان ياما كان ياسادتى ياكراام
وحكاها الرااااااااوى على القهاوى
والصبايا خلف مندره وشكشيله
من ليالى القلب ليله بعدها ليله
من ليالى القلب ليله بعدها ليله... كل كلمه وحرف وكل نظره جميله
حكايات ونوادر وطرائف ....متاهات وعجائب وطرائف
دول بشرائف وصحائف ..تيراراراارارارارا
وتلى الزهره تحلى شربات وكنافه وقطايف
وقمر الزمان وفرط الرمااااااااااااااااااااااان
والجميل اغتر من عيونه كحيله
من ليالى القلب ليله بعدها ليله
من ليالى القلب ليله بعدها ليله كل كلمه وحرف وكل نظره جميله
ياحلوه مين مشغول بيكى مستنظرك فى الشبابيكى
ياقمره طلعه ع السهره خلى الستاره تخبيكى
هجبلك الكنز الموعود واروح لامك وابيكى
مين عارف المكتوب ف الغيب
ده كل شىء قسمه ونصيب
وكل حبيب يتمنى حبيب
جينا رغم الامن كلنا ترحيله من ليالى القلب ليله
بعدها ليله من ليالى القلب ليله بعدها ليله... كل كلمه وحرف وكل نظره جميله
مشكاح مسطاح ان جه او راح بلبل سطاح
فرحان ومقضيها بكاء ونواح
مشكاح نطاح دحلاب كداب
ولا يملى عينه غيره التراب
ياما غيره لف بالف جناح
دنيا قبض وصرف غايه ولا وسيله
من ليالى القلب ليله بعدها ليله
من ليالى القلب ليله بعدها ليله... كل كلمه وحرف وكل نظره جميله
تلت حكايات.. لتلت فتايات.. حلوات جميلات.. فطيمه.. كغيمه..حليمه
والجمال والظرف له حكايه طويله
من ليالى القلب ليله بعدها ليله
من ليالى القلب ليله بعدها ليله... كل كلمه وحرف وكل نظره جميله
حان اللقاء هذا المساء
من الراويه الحلوه الحسناء
تسحر قلوبنا كيف تشاء ..وتحكى لملايين العشاق
حبيسه العرش روح وخد تعسيله
دى جايه تحكى ليله من ليالى القلب ليله بعدها ليله

تيراراراراراارارارا

ومن هنا تبتدى الحدوته.............................
بلغنى ايها الملك السعيد ذو العقل الرشيد والرأى السديد والوعد الاكيد
ان فى بلد من البلاد ..حاكم يعانى من التعداد
التعداد فى السكان.. اللى بوظله الامن والامان
الحاكم اسمه مبارك.. وشكله تبارك الخالق
الحاكم بص على شعبه المسكين.. بعد ان تعدى سن السبعين
وجد ان الشعب غلبان..نايم جعان وصاحى تعبان
قرر حاكم البلد..ان ينزل وكانه ولد
ولد غلبان... هيعمل اكل للشعب وهيخليه شبعان
نده الحاكم الامير.. على عبدوس الوزير
ان ياتى له بعربيه فول...كى ينزل وسط الناس ويجول
فقال له عبدوس الوزير.. كيف يحدث هذا يا امير
قال له انى اريد ان ادخل بين الناس.. كى احول النحاس ماس
قال عبدوس الوزير امرك ايها الامير
وركب عبدوس حصانه..وانطلق بعيدا عن مكانه
لكى يأتى للامير.. بالسر الخطير
وبعد ايام وليالى ... جاء عبدوس الوزير بالطلب الغالى
شكره الملك الامير.... شكرا كبيرا جزيل
اخذ الملك العربيه... وقرر بيع الفول والطعميه
وقرر انه من دلوقتى.. هيخلى كل صنيه ممليه
ويجمع كل الناس على الطبليه.... والاكل من هنا ورايح هايملى النمليه
وهيموتوا كل الحراميه.. اللى ناهبين البلد ومكترين العواطليه
وف يوم من الايام... وجميع الناس نيام
ماشى فى الشارع الملك الامير...والمطر كان غزير
ينده على الفول والبليله... كى يشعر به حد ويشترى منه فى هذه الليله
قال لماذا لما ياتينى الناس.... هل كل بيت اغلق للابد الترباس
سمعه واحد فقير...ماشى وجمبه بعير
قال له الفقير... الناس مابقاش معاها دنانير
فقال له الامير... اليس لديك بعير
قال له الفقير... هذا البعير مريض.. لا يزيد ولا يفيد
فقال له الامير.. ماذا تشتغل فى هذه البلد يا فقير
قال له انا موظف فى مستشفى العباسيه....اللى ببقبض منها احلى مهيه
اللى لا تكفى حتى لعمل ميزانيه... ولا حتى لعلبه حلاوه طيحينيه... وحوجتنا كلنا للمديونيه وعندما هلال الشهر يهل...اقف فوق التل
انظر الى القصر البعيد... الذى يسكنه الملك العنيد
واتمنى ان اكون مكانه...سيد هذا العصر وزمانه..واشعر انه قد جاء اوانه
قال له الامير.. هل تحب هذا الملك ذو الشعر الغرير
قال له اتمنى ان يموت...واورث مكانه الذهب والياقوت
قال الملك هل انت لا تخاف... من تقطيع جسدك بالسياف
قال له الفقير.... انا فى كل الحالات مثلى مثل البعير
وانا كده كده ميت ..... وعليا لا احد سوف يعيط
طلع الملك المحمول... واخذ يصرخ ويقول
اندهولى عبدوس الوزير... ياتى ومعه الجيش الجرير
قال له الفقير.... اذن انت الامير
كان يغلبنى الشك من البدايه .... وعلى ايديك سوف تكون النهايه
قال الامير وكيف عرفت ايها المجنون
قال له الفقير ان شكلك لا يظهر عليه انك من الشعب المطحون
استفزيتك لكى اعرف الحقيقه...ولاقتلك او لتقتلنى فى اخر دقيقه
الم تعلم ماذا يقول عليك الشعب المذلول ... انك اشبه بالوحش او الغول
وكل قلوب الشعب تحوم حول قصرك وتجول ... كى يستطيع قلب ان يقتلك لترحل عنا وتزول
وفي هذا الاثناء ..... عبدوس الوزير وجيشه قد جاء
وامر عبدوس الوزير .. باخذ الفقير ومعه البعير
وجاء فى ميدان عام ... وسط حشد الناس الذين ملئو المكان
وامر بقتل الفقير.... الذى تعدى بالقول على الامير
وشهد كل الناس.... ان قلب الملك من فولاذ
وانه لم يعد يشعر بالغلاء... ولا هيرحم ميتين ولا احياء
(ااااااااااااااااااااااااااااااااااه شهر زاد بتتاوب )
وفى هذه اللحظه .... مات الرجل وهو يلعن حظه
وبات الشعب المسكين ...... حرارته فوق الاربعين
ورجع الامير قصره ..... يمدح فى نفسه وعصره
ولا الامير نفع يكون فقير.... ولا الفقير هيجى يوم ويكون امير
ولا ال .......................... كوكوكوكوكوككوكوكوكوكوكوكوكوككوكوكوكوكوككو
(شهر زاد بتنام ع نفسها وبتاوب اااااااااااااااااااااااااااااه)
ولا ال..................
شهرا يار: اكملى اكملى يا شهر زاااااااااد
شهر زاد: مولااااااااااااااااااااااااااااااااااى
وادرك شهر زاد الصباح فسكتت عن الكلام المباح
وغطت شهر زاد فى نوم عميق.........

اغنيه النهايه:
الف ليله وليله نسمع كل ليله
الف ليله وليله نسمع كل ليللللللللللللللللللللللللللللللللللللللللللللللله
احكى ياشهر زاد قولى لشهرايار
واشكى له ليلو لطلوع النهار
اشغليله باله وغيريلو حالو
وخلى عقله دايما فى حاله انتظار
تيرارارارااااااااااااااااااااااااااااااااااااا

الف ليله وليله نسمع كل ليله
الف ليله وليله نسمع كل ليللللللللللللللللللللللللللللللله
وتوته توته فرغت الحدوته بعد لما روحى طلعت وانا بألف هذه المزغوده
باينلى تقمصت الشخصيه وسوف اتكلم الباقى من حياتى بهذه اللهجه العربيه
اااااااااااااااااااااااااااااااااااااا (لا انا بتاوب) تصبحو ع خيرياعساسيل