وتاه بين الجبال رجب ابن الحج متعال (الحلقه الاولى)

لولولولولوولولولولوللولولووللوولولولولى مبروك ياحبيبى مبروك يابنى اخيرا اتخرجت
يجرى رجب على مامته وهو هيموت من الفرحه : ايوه ياماما اخيرا خلصت وهبطل مذاكره للابد بقى

الاب يبص لرجب:مبروك ياحبيبى بس انت خلصت هم المذاكره وهتدخل ع هم اكبر

الواد رجب يبص لابوه باستعجاب: هم ايه يابابا فى اليوم المفترج ده اوعى تقولى اعمل ماجستير ودكتوراه ده انا جايب مقبول بالعافيه والله ارميلكو نفسى من البالكونه

الاب يضحك: لا ياحبيبى كفايه كده عليك وكفايه التوتر اللى عيشتهولنا ف الخمس سنين بتوع كليتك مقبول جيد جيدا جدا اهو اسمك دكتور رجب من النهارده وخلاص مش حمل مصاريف تانى انا

رجب بنظره كسوف: ربنا يخليك يابابا ويخليكى ياماما انا لولاكو مكنتش بقيت دكتور

ابو رجب يطبطب على رجب: وبمجهودك ياحبيبى

رجب : انتو هتاخدونى فى دوكه مجهزنلى مفاجاه ايه بمناسبه تخرجى

ام رجب تبتسم ابتسامه وتدور وشها : انا هاروح اشوف الاكل اللى على النار

ابو رجب : فكرتينى ياام رجب اقوم اصلى الضهر قبل العصر مايأذن

رجب فى دهشه : ايه ياعم الحاج عصر ايه اللى هيأذن الساعه لسه واحده ونص اه شكلكو كده ناويين تخنصرو على الهديه

ابو رجب: هديه ايه يارجب هديه انك نجحت انت نجحت لنفسك ياحبيبى مش لينا

رجب: ياسلام منا عارف بس عاوز حاجه تشجعنى يابابا ............ تك تك تك تك تك تك (الباب بيخبط)

رجب : ايوه حاضر (بيقول ف سره) ده اكيد الجيران جايين يباركولى

يفتح رجب الباب ويلاقى واحد رجل وشايل حاجات

رجب: ايوه نعم

الرجل: حضرتك انا مندوب من شركه جومانا وبنقدم اكسسورات وشامبوهات وصابونات وكريمات وحاجات حلوة اوى وعليها ديسكاونت 20 فى الميه

ابو رجب : شكرا يابنى احنا عندنا

الرجل: طب تحب تشوف ياحج تتفرج

ابو رجب: لا يابنى احنا متشكرين جدا

الرجل : زى ماتشوف ياحج

الرجل يمشى ورجب يقفل الباب ويقعد على الكرسى جمب ابوه الحج متعال
رجب: تعرف يابابا الناس دول بيصعبو عليا اوى بيفضلو طالعين نازلين طالعين نازلين ويخبطو ويقنعو الزبون انه يشترى ويا يوافق ويا مويوافقشى بجد بيتعبو اوى

الحج متعال ابو رجب : اكل العيش مر يابنى عشان كده قولتلك انت خلصت هم المذاكره وهتبدا فى هم جديد

رجب يبص لابوه: بابا صلى ع النبى ياحج انا عاوز على الاقل اخد شهر شهرين تلاته اجازة استجم وارتاح

ابو رجب فى استنكار: شهر اتنين تلاته تعالى يام رجب شوفى ابنك

رجب يضحك: خلاص يابابا انت هتسيحلى

ابو رجب: ياحبيبى شهر شهرين اللى بتتكلم فيهم دول لو انت فاكر نفسك هتنزل هتلاقيهم مستنيينيك وبيقولولك تعالى ونبى اشتغل انت عقبال ماتلاقى شغل يناسبك ويريحك فيها شهر شهرين سنه

رجب: بابا ونبى متسودهاش فى وشى خلينى فرحان بنجاحى شويه بقى

رجب عشان يتوه ابوه : مامااااااااااااااااااااااا ماماااااااااااااااااااااااااااااااااااااااااااااااا طبخلنا ايه النهاردة بقى

ابو رجب بيبدا فى صلاته : الله اكبر الله اكبر

رجب يبص لابوه : ادعيلى يابابا

رجب ساب ابوه ودخل الاوضه بتاعته وقعدت على المكتب ويبص على الكتب
رجب فى (ابتسامه انتصار) : اخيرا مش هبص فى خلقتكو تانى جتكو القرف عذبتونى بس اخيرا انا اللى هعذبكو هحبسكو فى شنطه واحطكو تحت السرير
(يبص لكتاب الاورجانيك وكتاب البايو كيمسترى) اما انتو بقى ياحلوين انا هولع فيكو بجاز ها ها هاااااااااااا هاااااااااا (ضحكه شريره)

ام رجب تدخل على ابنها: خير يابنى كفى الله الشر انت اتجننت

رجب فى كسوف: لا ياماما ده تار قديم

ام رجب : طيب ياحبيبى قوم كلم محمد صحبك على التليفون

رجب يجرى على التليفون
رجب : الو ايوه ياض لسه فاكر ...... قول ................... بجد ................... طب انا هدوس معاكو طبعا.................... ياعم كلام رجاله .......................لالالالا هيوافق مالكش فيه

رجب يروح لابوه: حرما يابابا

ابو رجب: جمعا يابنى

رجب : بابا كنت عاوز اقولك على حاجه

ابو رجب: ربنا يستر عاوز ايه يارجب

رجب: بابا انا كنت عاوز ا ............................
.
.
.
.
.
.
.
يتبببببببببببببببببع


كده خلصت الحلقه الاولى ببكره اكملها بقى وكفايه رغى ايدى وجعتنى