مع جيم تيم انت هتكسب ( هتفلس هتفلس)

لفت نظرى من كام يوم هو مش لفت بصراحه هو استفزنى من كام يوم
وانا بتفرج على قنوات الاغانى على قناه مزيكا زوم لقيت البرنامج بتاع جيم تيم
المهم الواد ابو شعر كتير ده بيتكلم ومن ضمن الهدايا كان ياميش رمضان
فبيقول ياجماعه الناس اللى جايين ياخدو الهدايا كانو فرحانين فرح مابعده فرررررررح
عشان الهدييه بالذات بتاعت ياميش رمضان وبيقول الناس بتبقى شايله هم الفلوس
وهنشترى ايه وهنجيب اييييييييييييييه
طب سؤال يا جدعان عشان انا متعصبه شويه هما ناس بيتصلو بيخصلو كروت بالميات
عشان يسجلو وعشان يتصلو ممكن كارت بميه يخلص على التسجيل بس
دول مستنيين الهديه بتاعه الياميش
ونبى ايه ياحراااااااااااااااااااااااااااااااااااااااام اه والله هيلاحقو على ايه ولا ايه
طبعا مش لاقيين فلوس عشان الياميش يعنى معقول يعنى هيسيبو الفلوس بتاعه البنزين بتاع العربيه البى ام
والفلوس بتاعه الكروت عشان يكلمو جيم تيم وهيروحو يجيبووووووو ياميش لا والله كده حرام بجد
الله يكون ف عونهم لا حقهم يفرحو
انا مش عارفه مسابقات ايه بحس الاعلانات بتراهن على جيوب المصريين بجد
اى حاجه اتصلو بزيرو زفت
عاوزة تبقى جميله اتصلى على خط الرشاقه من اى تليفون على زيرو زفت
عاوز تبقى جسمك رياضى اتصل من اى تليفون على زيرو زفت
محتار تروح فين النهاردة اتصل من اى تليفون على زيرو زفت ونزل الخريطه على موبايلك
محتاره فى الموضه وفى مكياج عيونك اتصلى من اى تليفون على زيرو زفت
اشترك فى مسابقه اعرف ضحكه مين دى على زيرو زفت
اشترك فى مسابقه كرومبو واعرف الجانى على زيرو زفت
اشترك فى مسابقه سرحان ونفيسه على زيرو زفت
اشترك فى مسابقه ظبط واكتب نوع وموديل عربيتك وهنظطهالك على زيرو زفت
اتصل واعرف انا بغنى اغنيه مين على زيرو زفت
اتصل واعرف انا بقلد مين على زيرو زفت
اتصل واعرف مين الفنان اللى بنتكلم عليه على زيرو زفت
اتصل واعرف ملك مين اللى على النص جنيه على زيرو زفت
اتصل اتصل اتصل اتصل ويوهموك ويحسسوك انك بجد لو اتصلت هتكسب 5000 دولار
وتبقى طاقه القدرر اتفتحتلك وهتطلع تجيب عربيه وشقه والدنيا هتبقى عنب
مميعرفش ياعينى انه هيفلس وهيطلع من المولد من غير حمص اساسا
انا مش عارفه ممكن مين يوقف عمليه النهب العلنى دى اللى بقى ف قنوات مخصصه اساسا للفوازير الهبله العبيطه ال حاجه من بره خضرا ومن جو حمرا واحد يتصل يقولها المانجه وتقعد اربع وعشرين ساعه واحده هبله تفضل تترقص وتقول ها عرفتو وميلودى تريكس وزيها قنوات كتير اوى
بجد حرام يعنى بيعملولى استفزازززززززززززززززز رهيب
انا اتخنقققققققققققققققققققت حد يجبلى دكتور حد يجبلى الاسعااااااااااااااااااااااااااااااااف
بجد مخنوووووووووووووووووووووووقه من الهم ده بقيت اسمع كلمه زيرو يجلى شلل نصفى عشان زهقت وبزعل على
الناس اللى بتتصل
وبجد منكو لله يابتوع الزيرو
اه يامين يلايمنى عليكوووووو هخلى حياتكو زيرو ع الشمال بجد
مستنيه الرد فى الموضوع اللى يحرق الدم ده
اه انا نسيت احرق دمكو اقصد نسيت اقولكو لسه مسابقات رمضان بقى
واتصل عشان تتفرج على حته من المسلسل الحلقه بتاعه بكره
ياسلام ماكده كده بكره هتيجى ولا التوقعات بقى اتصل توقع سعد الدالى هيموت ولا مش هيموت
توقع الزمال هيخسر ولا يكسب
حاجه غريبه ماهو كده كده خسران
المهم قولولى رائيكو فى الموضووووووووووع ده عاوزين نشوف حل ياجدعان للمهزله دى ههههههههههههههههههههههههههههههههههههههههههههه