الى ابنى الحبيب صميدة.......

انا عارفة انك مبتعرفش تقرا بسرعة عشان كدة بكتبلك الجواب ده بالراحة احنا كلاتنا كويسين جوى جوى ابوك خلانا نعزل من الدار عشان مش عايز اى حاجة تفكره بالسنين اللى فاتت , انا مش هجدر ابعتلك العنوان لانى معرفوش اصل الناس اللى كانوا ساكنين جبالنا اخدوا اليفط اللى مكتوب عليها اسم الشارع ورقم العمارة ولزجوها على بيتهم الجديد , بس المكان هنا جميل جوى تخيل ممطرش غير مرتين فى السبوع كلاته مرة تلات تيام ومرة اربع تيام .واخوك جاب عربية جديدة بدل اللى وجعت فى الترعة ورحنا بيها عند عمتك بس الواد المسطول اخوك خرج وجفل على المفاتيح وفضلنا احنا وابوك محبوسين فى العربية لحد ما جه جدع ابن حلال كسر الجزاز وطلعنا اختك خلفت النهاردة الصبح بس لسة معرفش واد ولا بت فمعرفش انت بجيت عم ولا عمة والواد ابن عمك جه زرانا على العنوان الجديد جبل مايشيلو اليفط ويلزجوها على البيوت الجديده انا معرفش البيوت الجديده جبينا ولا مش جمبينا ابوك جدم على التليفونات بس مش عارفه اكتبلك الرقم بتاع التليفون عشان
انا مش حفظاه ومعرفش الواد اخوك حافظه ولا لع ومعرفش هيجيبو التليفون ولا لع فعشان كده انت مش هتجدر تتصل بينا
ومش عارفه احنا عنجدر نتصل بيك ولا لع عشان مش عارفه التليفون هيبجى فيه حراره ولا لع ولو فيه حراره مش عارفه النمره عتجمع ولا لع
على العموم انا مش هجدر اجولك اتغطى كويس لان انا مش عارفه الجو عايبجى برد ولا عايجبى حر
ومش هجدر اجولك كول كويس عشان مش عارفه عاتببجى جعان ولا شبعان
ومش عجدر اقولك خلى بالك من نفسه عشان مش عارفه انت هاتجى فاضى ولا لع
المهم ابوك جابلك شويه حاجات بس احنا مش هنبعتهالك دلوجيت عشان مش عارفين عتعجبك ولا لع
احنا عنرجع البلد تانى بس مش هجدر اجولك تعالى لان انا مش عارفه احنا هننزل يوم كام بالظبط
ولو عرفت يوم كام مش هابجى عارفه هنجدر نوصل فى المعاد ولا لع فالاحسن ماتجيشى
مش هجدر اجولك ماتزعلشى عشان انا مش عارفه انت عتزل ولا لع
البت اختك ممكن تتصل بيك او ممكن لع

ملحوظة: انا كنت هبعتلك فلوس فى الجواب بس نسيت وجفلت الظرف جبل ما احطهم


صميده انا مش هبعتلك الجواب عشان مش عارفه هيوصل ولا لع



امك الحبيبه: ام صميده ابن سمعان

صميده انا مش عارفه انا امك ولا لع