فى ايد امينه

كان فى برنامج مش فاكره اسمه ولا فاكره هو على قناه ايه (باين اتعديت من ام صميده)
لكن كل اللى فكراه ان المذيعه حكت حكايه حلوه اووووووووووى
هحكيهالكو
صلو ع النبى
كان ياما كان فى سالف العصر والاوان رجل صاحب شركه كبيرررررررره اوى متجوز واحده
المهم ربنا مارزقهمش بنعمه الاولاد المهم الرجل ده كان بيحب مراته جدا وبيحب ياخد رائيها فى كل حاجه
الرجل ده كان عاوز يسافر بس كان هيسافر مده كبيره طبعا وهياخد مراته معاه المهم الرجل كان عاوز واحد يدير الشركه بداله
وكان لازم يختار واحد من اللى بيشتغلو عندو فى الشركه وكان كل اللى بيشتغل عندو فى الشركه ناس اكفاااء( يعنى على مستوى)
وكوسيسن جدا وصاحب الشركه عملهم اجتماع عشان يشوف هيقدر يسيب الشركه لمين لاقهم كلهم كويسين جدا وشاطرين اووووووووووووووى ومنتظمين فى الشغل اوى اوى اوى صاحب الشركه بقى فى حيره من امره مش عارف يعمل ايه ولا ايه يا ولداه
راح لمراته وقالها قوليلى رائيك اعمل ايه واختار ازاى من بينهم كلهم كويسين اووووووووووووووووووووووووووووووووووووووووووى
وشاطرررررررررررررررررررررررررين اوى
قالتله مراته مش مشكله يكون شاطر او مش شاطر المهم يكون امين على الشركه وامين فى كلمته وامين فى معاملته
قالها طب وانا هعرف منين قالتله انا هديك شويه بذور هعملك عشر اكياس تفرق على كل واحد كيس بذور وكلها نفس النوع ونفس الجودة
وتديهم البذور دى و تخليهم يزرعوها فى اصيص زرع ويروها ويعتنو بيها لمده سنه واللى يقدر يعتنى بيها كويس يكون هو الجدير بالشركه قالها فكره ممتازة
وبالفعل مراته اديته العشر اكياس ووزعهم على العشر موظفين
وقعد يمر شهر ورا شهروكلهم قعدو يعتنو بالبذور المهم السنه عدت وكلهم جابو الاصيص بتاع الزرع
وكلهم الزرع بتاعهم ماشاء الله طويل واخضر وجميل اووووووووووووووووووى ماعدا واحد جاب الاصيص فاضى مفيهوش غير البذور زى ماهى
المهم الرجل صاحب الشركه منبهر اوىىىى بالحاجات دى روح البيت قال لمراته المشكله لسه مستمره قالتله ليه
قالها كلهم جابو الاصيص تاع الزرع زى الفل وماشاء الله ماعدا واحد جايبلى الاصيص فاضضى ومفيهوش حاجه
مراته قالتله بس يبقى هو ده اللى تقدر تسيبله الشركه وانت مطمن
الرجل بصلها مستعجب قالها بقى اختار اللى جايب اصيصه فاضضى ومهتمش بيه
واسيب التانين
قالتله لان ده الامين الوحيد اللى فيهم
قالها ازاى قالتله هفهمك انا غليت البذور دى قبل ماديهالك وبالتالى هى كده مش هتنبت عمرها ولو قعدت مليون سنه
اذن كل اللى جابولك الزرع دول لقو البذور مانبتتش راحو اشترو زرع جاهز لكن الموظف ده قعدت يراعها وهى مانبتتش يعنى عمل اللى عليه
من غير مايضحك عليك ولايخمك وادى الله وادى حكمته اذن هو ده الوحيد الامين فيهم
ابتسم الرجل قالها فعلا دلوقتى اقدر اسيب الشركه فى ايد امينه



جامده ياعيال صح