يبقى انت اكيد اكيد فى مصر

انتو متخيلين طبعا انى هقول لما تلاقى الجد ف ايده حفيده والناحيه التانيه السبحه ف ايده :)
بس الموضوع هنا مختلف شويه ساعتها هتبقى انت اكيد اكيد ف الجنه مش فى مصر
لكن احنا موضوعنا بيتكلم عن تعرف ازاى انك موجود فى مصر انا اقولك بص ياسيدى وانت ماشى ف الشارع هتلاقى على ايديك اليمين او الشمال مش هتفرق صفايح زباله نضيفه اوى سيبك من صفايح الزباله بص جمبها هتلاقى زباله بالكوم ع الارض طب ياجدعان مالصناديق اهيه ماترمى فيها اصلها طويله يا بيه مش بطولها وبعدين ليه نتعب الزبال يعنى يفضل ينط جوه العلبه ويطلع الزباله لا احنا نحب نريح الزبون اهو يلمها ع الارض او فى ناس تانيه يقولو احنا مكناش عارفين ان الصفايح دى للزباله:) :) :) اومال لأيه يا حبيبى بنحسبها صفايح سمنه مثلا





سيبك بقى من الزباله اتعودنا يعنى احنا بنعرف العنوان بتاع بيتنا بيها دلوقتى لما تسال واحد ياعم انفلونزا الطيور يقولك ايه يقولك ياعم والله مفيش انفلونزا ولا بتاع ده الشعب المصرى ده معدته تهضم الزلط وادى الفرخه اهيه زى الفل ولا يوم شوفتها بتعطس ولا يوم شوفتها بتشن طب تصدق بايه ولا يوم شوفتها ماسكه منديل حرام بقى ترمى بلاويكو على الفراخ الغلبانه اللى ولا بتشن ولا بترن قصدى اللى ولا بتنش ولا بتهش وبعدين اللحمه غاليه يعنى الناس تموت تموت ولا تموت يعنى حرام عليكو هى الناس لاقيه تاكل

على رائيك يابنى والله الواحد يطبخله الفرخايه ويطبخ عليها شريط ستريم وشريط كونجستال وشويه ملح وفلفل وربنا هيسترها بقى

طب سيبك بقى من الفراخ تعالى للخنازير اهم اتعدوا من الفراخ و ادى اخره اللعب مع الفراخ قولنا الفراخ خلاص مش مهم حلينا المشكله بتاعه الفراخ طب هناكل لحمه ليه وليه وليه ناكل بقى لحمه تيجى تقوله ياعم انفلونزا الخنازير يقولك ياعم بقى هتبقى انت والفراخ والزمن علينا

طب ناكل الشعب الغلبان ده ايه بس ياجدعان يعنى ازاى ماياكلش لحمه ماياكلش لحمه يبقى ف مصر ومايكلش لحمه طب ياعم والانفلونزا بتاعه الخنازير دى لا ياعم الخنازير معندهاش حاجه وزى الفل الشعب نفسه ياكل اللحمه طول الاسبوع بدل يوم الخميس بس احنا هنرخص اللحمه شويه وهنعمل هامبورجر وسوسيس وهنعمل سجق اصل حرام لازم الكل ياكل واحنا ميرضناش ناس ياكلو وناس ماتاكولش طب والانفلونزا ياعم ياحبيبى متخافش هديك خطوات عشان تاكل وانت مطمن
1- انقع اللحمه فى ميه ببرسيل وبريل ونقطتين خل
2-ارمى الميه وحط اللحمه فى الزيت وعليها نقطيتن جاز عشان النمل
3-كده انت قتلت الفيروس طلع اللحمه من على النار حطها ف شويه ميه من الحنفيه
4- لاحظ انك لوثتها مره تانيه بميه الحنفيه فهتحطها ع النار
5- اللحمه اتعملت هيطلعلك شوربه ارميها
6- وبالهنا والشفا



طب حلينا مشكله الزباله ومشكله الطيور ومشكله الخنازير طب بنحب السلطه ياجدعان هقولك بقى الأته اللى هى اخت الخيار ال ايه خير اللهم اجعله خير الأته بقت شبه الشمام انا معرفش الأته فى الحلم ايه بس اللى شوفته ف الاخبار ان الناس بدات تزرع الأته ف ميه المجارى بس انا قولت ليهم حق ماهى الميه هتكفى ايه ولا ايه لازم برضك نعيد استخدام الموارد المستهلكه زى اليابان كده يعنى ميه مجارى ميه مجارى فرقت يعنى هى دى اللى هتعيينا يعنى مجارى مجارى ان شالله ماحد حوش واهو اللى نعرفه احسن من اللى مانعرفوش
بس انا مش هسيبك كده برضه انا هقولك ازاى تتخلص من الفيروسات انت تجيب الأته بتاعه المجارى وتقطعها وتحط عليها عصير (فلاجيل) واحد يسالنى يعنى ايه فلاجيل اقوله روح الصيدليه قول هات واحد فلاجيل المهم هتحطه على الأته والخيار والطماطم وهتعمل احلى سلطه وبالهنا

طب خلاص هنعمل سلطه لولولولولولولووللوولولولولولولوى (زغروطه)
طب لو حاجه وجعتنا بقى نعمل ايه هقولكو ماتعملوش حاجه عارفين ليه عشان بطلو يعملو ادويه عارفين ليه عشان احنا بنعمل الادويه على الفيران والفيران اللى هنعمل عليها الادويه هى كمان ليها مشاكلها الخاصه هو انا مقولتلكوش على الله اكبر الطاعون اهو ده مرض بيصيب الفيران عشان كده بقولكو احسن حاجه انكووووووووووووو تسمو ربنا وتاكلو وخلى توكالكو على ربنا بقى وربنا هيسترها مع الغلالالالالالالالالالالالالالالالالالالابه
لو لقيتو الزباله والزحمه والطيور والخنازير والسلطه والفيران والخ
اعرفوووووووووووو انكو اكيد اكيد اكيد فى مصر

فى المواقف اللى زى دى احب اقول كلمه خالتو بتقولهالنا وهى كلمه حكمه بصراحه وهى
خشووووووووووووو نامووووووووووووووووووووووووووووووووووووووووووووووووووووووو


لو سالتك انت مصرى تقولى ايه قولى مصرى وابن مصرى وربنا يستر عليه