ممكن جنيه ونبى عشان اروح

اهى دى الجمله اللى بيستخدمها النصابين اليومين دول
الشحاته تطورت اوى اليومين دول بصراحه بطريقه
تناسب العصر وتناسب امكانياته مينفعش يجى واحد
اليومين دول يفضل مستنى الفرج وهو فاتح ايديه
الناس اصلا مش لاقيه تاكل ومهمومه والدنيا زحمه
يعنى عقبال ماحد ياخد باله منك فيها نص يوم
يعنى ممكن تطلع فى اليوم ب 2 جنيه بصراحه
ماياكلوش عيش حاف طب نعمل ايه ونسوى ايه
فكرو هيئه ورابطه الشحاتين فى اسلوب يناسب
العصر وهو انك تستلف باسلوب شيك يعنى بدل
زمان ماكانو بيلبسو هدوم مقطعه ويمسكو عيل
ويسرحو بيه دلوقتى لبسو لبس نضيف وتلاقى
ياسيدى وانت ماشى فى امان الله واحد او واحده
وقفتك تقولك بكل انكسار وكسوف ممكن جنيه
عشان اروح .
هما زمان كانو بيفتحو ايديهم وزى ماتديهم
لكن مع زياده احتياجات العصر قررو يخلو
الاجره جنيه.... يابلاش والله
هحكيلكو على 3 تجارب انا شوفتهم بعنيا
اول تجربه:انا كنت واقفه قدام كليه طب اسنان
مروحه البيت بتاعى ومستنيه عربيه جات واحده
قالتلى ممكن جنيه لو سمحتى عاوزة اروح
والله انا اتكسفت واديتها وبصراحه صدقتها
المهم ركبت العربيه فالعربيه وقفت تحمل
المهم انا شوفت الست دى وقفت واحد تانى
وقالتله ونبى معاك جنيه عاوزة اروح
no comment
التجربه التانيه:انا نازله من الامتحان فى الكليه

تلاقى طول مانت نازل على سلمه واحد بيقولك الحلاوه
من اول باب المعمل للطرقه للاسانسير لاول السلم لاخر السلم
يعنى مش مهم عادى غلابه لو اديت واحد عادى بس لما بجد مايكونش
معاك فكه يرد يقولك هات انا افوكلك تقوله دول ميت جنيه
يقوله معايا فكه بجد منتهى البرود سيبك من ده المهم واحد يقولى ونبى
الحلاوة قولتله مش معايا يقف قدامى ومش راضى ينزلنى غير لما اديله
المهم اديته اللى فيه النصيب رد عليا قالى ونبى هاتى 10 جنيه
نفسى اكل بيتزا ...... هههههههههههه طب ونبى ارد انا اقول ايه
no comment
التجربه الثالثه:انا قاعده جوه الكليه وقدامى السور اللى بيفصل الكليه عن
الشارع فلاقيت واحد شاب لابس كويس وشايل شنطه هاند باج وماسك فى ايده مصحف
وبيقولى ياانسه ممكن تقومى لو سمحتى عاوز اقول لحضرتك حاجه
ماقومتش واستهبلت قولتله عاوز ايه وانا قاعده جوه الكليه وهو بره فى الشارع
قالى لو سمحتى انا كنت جاى لماما فى معهد السكر وخلصت كل فلوسى
قولتله طب وانا اعمل ايه الواد عمل انه مكسوف قالى لو سمحتى بس لو
معاكى فلوس قولتله وانت عاوز كام يعنى رد عليا قالى هى اجره القطر 15 جنيه
هيسرح بيا ابن ال..... المهم قولتله لا معييش بصلى كده قالى انتى معكيش
قولتله اه انا معييش مشى الرجل واتحسبن وقال كلام كده وامه محمد وحاجات كده
لما انت رجل مؤمن اوى كده لما تيجى تطلب فلوس تطلبها من واحده بنت عشان تحرجها
ولا تطلب من رجل........
no comment
بصو انا عارفه ان فى ناس محتاجه اه بس المحتاج بجد يدور على حاجه
ياكل منها عيش فى ناس كتير اوى بتبيع مناديل لما تاخد الكيس بنص جنيه
او ب75 اهو اسمك اديته فلوس ونفعته وهو اداك حاجه انت محتاجها
عندنا فى محطه المترو اللى عند الكليه عندنا واحد كفيف بص ربنا مديله صوت
روووووووعه بكل ماتحمله الكلمه من معانى وهو بيغنى تحس ان فى عود وكمان وجيتار وبيانو
بيعزفوووووووو مع صوته الله اكبر بسم الله ما شاء الله هو بيغنى والناس بتديله اللى فيه النصيب
احنا لازم نبقى ايد واحده اه نساعد بعض اه بس نساعد الناس اللى بجد محتاجه مش
اللى بيستهبلو المحتالين..
الشحاته امر نهى عنه الاسلام تماما وفى حديث عن الرسول(ص) نهى فيه عن الشحاته
ومش حديث واحد دول كذا حديث
انا جبت واحد منهم اهو

عن ابى هريره رضى الله عنه ان رسول الله (ص)
ليس المسكين بهذا الطواف الذى يطوف على الناس فترده اللقمه واللقمتان والتمره والتمرتان قالوا فما المسكين يارسول الله(ص) قال الذى لا يجد غنى يغنيه ولا يفطن له فيتصدق عليه ولا يسأل الناس شيئا
صدق رسول الله صلى الله عليه وسلم (متفق عليه)


واحد ظريف يجى يقولى يعنى احنا نتعلم من الموضوع ده اننا منشحتشى هههههههههههههههههههههههههه
اقوله لا نتعلم انه لا للمحتال ونعم للمحتاج